-
Rusfri 16. mai natt
No er det snart klart for årets store rusfrie happening🤩 Bli med på kjekke konkurransar og lotteri med trekning av flotte premiar🎤🎶🤞 Vi er overbevist om at det blir ein kjekk kveld med god mat og mykje action🌮🥗🌯
Aktiv fritid
Aktiv Fritid er eit tilbod for deg som synest det er vanskeleg å finne ein fritidsaktivitet som passar for deg, og som av ulike årsaker har utfordringar som hindrar deg i å delta i fritidsaktivitetar.Aktiv Fritid består av to koordinatorar/tilretteleggjarar som er tilsett i kommunen.
Om du synest det er vanskeleg å finne ein fritidsaktivitet som passar, og om du av ulike årsaker har utfordringar som hindrar deg i å delta i fritidsaktivitetar kan du ta kontakt direkte på telefon til koordinator, ingen søknad er nødvendig.
Koordinator/tilretteleggjar vil forsøke å hjelpe deg å finne ein fritidsaktivitet eller ta kontakt med ein lag/organisasjon som kan vere aktuell. Dei vil også kunne vurdere om støttekontaktordninga kan bruke ressursar for at fleire kan komme i aktivitet i eit gruppetilbod. Aktiv Fritid vil ikkje kunne bestemme om nokon skal få individuell støttekontakt, då dette er vedtak som vert tildelt som ei helseteneste.
Kontaktinformasjon
Olin Almenning tlf: 90 65 68 40
Ane Merete Austrheim tlf: 99 09 94 95
Aktiv Fritid har kontortid onsdagar.
Del på:
Flere nyheter
-
Kartlegging av frivillige lag i Gloppen – utvida frist
Vi vil gjerne takke alle frivillige som stilte opp på frivilligkveldane i Hyen 16. april, Breim 23. april og på Sandane 27. april! Både gjennom frivilligkveldane og kartlegginga av frivillige lag i Gloppen har vi fått inn mange gode innspel til kommunedelplan for frivilligheit. Vi har fått innblikk i dykkar arbeid, behov og ønsker, og har delteke i gode diskusjonar om viktige tema. Vi set stor pris på at de tek dykk tid til å delta.
-
16. april 2026 får mange innbyggjarar i Vestland invitasjon til å delta i folkehelseundersøkinga. Førre gong dette skjedde var i 2022. Då hadde Gloppen veldig god svarprosent, og vi fekk informasjon som vi har hatt god nytte av. Vi håper derfor at like mange svarar denne gongen: Dess fleire som svarar, dess meir nytte har vi av undersøkinga her i Gloppen!
-
Bli med på frivilligkveld
Frivilligkveldane er ein møteplass for frivillige lag i Gloppen, der kommunen inviterer til dialog om frivilligheit og samarbeid.
-
Landsbylaurdagar i 2026
Landsbylaurdag er ein møteplass der lag- og organisasjonar kan vise fram sin aktivitet, og bidra til å skape liv og røre på Heradsplassen og Fjordlandsbyen. Målet er at Landsbylaurdag arrangementa skal vere noko som ulike lag og organisasjonar skapar og arrangerer i lag. Vi oppmodar lag- og organisasjonar om å melde seg på og bruke denne møteplassen aktivt!